АСТАНА. KAZINFORM – Қазақстандық теннисші Зарина Дияс Куруме (Жапония) ITF W50 турнирінің екінші айналымына шықты.
Жарыстың 6-ракеткасы болып тіркелген қазақстандық теннисші бастапқы кездесуін рейтингіде 959-орында тұрған жапониялық, 22 жастағы Киса Ёсиокумен өткізді.
Бірінші сетте Зарина 6:4 есебімен басым түссе, екінші сетте қарсыласына бірде-бір гейм берген жоқ – 6:0.
Кездесу 1 сағат 4 минутқа созылды.
Зарина Дияс ширек финалға шығу үшін тағы бір жапониялық, рейтингіде 875-сатыдағы Лиза-Мария Риумен таласады.
Жүлде қоры 40 мың долларға бағаланған Куруме додасы 18 мамырда мәресіне жетіп, жеңімпаз анықталады.
Еске сала кетейік, бұдан бұрын теннистен Парма турнирінің Путинцева мен Құламбаева үшін сәтті басталғанын жазған едік.
Александр Бублик Турин турнирінде қарсыласын қапы қалдырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).