ӨСКЕМЕН. ҚазАқпарат –Шығыс Қазақстан облысы Зайсан ауданында балықшы суға батып кетті, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, 3 ер адам Ертіс өзеніне балық аулауға барған.
«1973 жылғы азамат жалғыз өзі резеңке қайықпен жағадан алыс жерге жүзіп кеткен. Кенет қайық аударылып түскенде ол ауылдастарын көмекке шақырып айқайлаған. Алайда балықшылар оны құтқарып үлгермеді», - деп хабарлады ведомство өкілдері.
Осы ретте, құтқарушылар тұрғындарға балық аулауға барғанда қауіпсіздік шараларын қатаң сақтау қажет екендігін ескертеді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.