Зеленский Трамппен кездесу үшін АҚШ-қа барды

АСТАНА. KAZINFORM — Владимир Зеленский Вашингтонға барды. Ол алдымен АҚШ-тың қорғаныс және энергетика компанияларының өкілдерімен, одан кейін президент Дональд Трамппен кездеседі, деп жазды DW.

Украина президенті Владимир Зеленский бейсенбі күні кешке АҚШ-қа барды. Оның ұшағы Вашингтон маңындағы Эндрюс әуе күштерінің базасына қонды.

Зеленский Telegram-да алдымен американдық қорғаныс компанияларының өкілдерімен кездесіп, әуе шабуылына қарсы қорғаныс жүйелерінің қосымша жеткізілімдерін талқылауға ниетті екенін жазды. Бұдан кейін Украина президентінің америкалық энергетикалық компаниялардың өкілдерімен кездесуі жоспарланған.

— Қазір Ресей біздің энергетикалық секторымызға қарсы террорға сүйеніп, күнделікті шабуылдар жасап жатқанда, біз Украинаның тұрақтылығы үшін жұмыс істеп жатырмыз, — деді Зеленский.

Сапар барысында Владимир Зеленский АҚШ президенті Дональд Трамппен кездеседі.

— Таяу Шығыстағы қақтығысты ауыздықтау ісі Ресейдің Украинаға қарсы соғысын тоқтатуға көмектеседі деп үміттенеміз», — деп жазды Украина президенті. 

Сонымен қатар ол «Мәскеу Томагавк зымыраны туралы естіген бойда диалогты қайта бастауға асығады» деп атап өтті.

Айта кетейік, осыған дейін АҚШ президенті Дональд Трамп Владимир Зеленскийді 17 қазан күні Ақ үйде қабылдайтыны туралы жазған болатынбыз.