АЛМАТЫ. ҚазАқпарат – Алматыда жағдайы ауыр науқастардың саны артты. Бұл туралы қалалық Қоғамдық денсаулық сақтау басқармасының басшысы Камалжан Надыров мәлім етті, деп хабарлайды ҚазАқпарат тілшісі.
Оның айтуынша, бүгінгі күні жұқпалы аурулар стационарларында 1226 адам жатыр, оның ішінде 57 бала бар. Барлық емдеуге жатқызылғандар арасынд 5 адамның жай-күйі өте ауыр, 62-інде – ауыр, 575 адамда – ауырлықтың орташа дәрежесінде, 584 адамда – қанағаттанарлық жағдайда, симптомсыз – 55 адам.
«Өкінішке орай, біз жағдайы ауырлаған пациенттер санының өсіп келе жатқанын көріп отырмыз. Соңғы апталарда олардың саны іс жүзінде 36-дан 62 адамға дейін өсті «,– дейді Камалжан Надыров.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.