ЖАЛАҒАШ. ҚазАқпарат - Қызылорда облысы Жалағаш ауданында темір күрекпен адам өлтірген қылмыскерге қатысты сот үкімі шықты, деп хабарлайды ҚазАқпарат тілшісі.
Оқиға барысы былай өрбіген. Сотталушы А. жәбірленуші Д-мен жанжалдасып қалады. Сол жанжал барысында ол жәбірленушінің бас сүйегінің маңдай тұсынан темір күрекпен соққы жасайды.
«Осылайша жәбірленушінің денсаулығына қасақана ауыр зиян келтірген. Алған жарақатынан жәбірленуші көз жұмды. Оның үстінен ҚР Қылмыстық кодексінің 106-бабы, 3-бөлігімен қылмыстық іс қозғалды», - деп мәлім етті Жалағаш аудандық сотының баспасөз қызметі.
Жалағаш аудандық сотының үкімімен сотталушы А.-ға 8 жыл мерзімге бас бостандығынан айыру жазасы тағайындалды. Ол жазасын қылмыстық-атқару жүйесінің орташа қауіпсіз мекемелерінде өтейді.
Бұдан бұрын параны банк карточкасына аударуды талап еткен полицей жазаланғанын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.