АСТАНА. KAZINFORM — Қазақстандық Жалғас Жұмағұлов АҚШ-тың Веллингтон қаласында өткен NAGA (Солтүстік Америка грэпплинг ассоциациясы) грэпплинг турнирінде жеңімпаз атанды.
Финалдық жекпе-жекте American Top Team командасының намысын қорғаған Ж.Жұмағұлов американдық Рэймонд Пэйджден басым түсті. Осылайша қазақстандық спортшы NAGA чепиондық белбеуіне ие болды.
Жалғас Жұмағұлов (16-9) аралас жекпе-жектен соңғы сайысын ақпан айында Naiza FC 57 турнирінде өткізді. Бұл жарыста төрешілердің бірауыздан щешімімен американдық файтер Кливленд Маклинді (17-12) тізе бүктірді.
Еске салсақ, жастар арасындағы Азия чемпионатында қазақстандық еркін күрес шеберлері үздік атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.