Жамбыл облысында абаттандыру ережесін бұзудың 20 мыңнан астам дерегі анықталды
АСТАНА. KAZINFORM – Жамбыл облысында жыл басынан бері абаттандыру қағидаларын бұзудың 20 708 дерегі тіркелді. Олардың қатарында елді мекендерді абаттандыру талаптарын сақтамау, инфрақұрылым нысандары мен жасыл желектерді бүлдіру жағдайлары бар, деп хабарлайды облыстық полиция департаменті.
Фото: Polisia.kz
Департамент мәліметіне сүйенсек, қоғамдық орындарды ластаудың 854 дерегі жеке тіркелген.
Алдын алу жұмыстары аясында 19 917 азаматқа ескерту жасалды. Полиция қызметкерлері тексеру жүргізіп, тұрғындарға қоғамдық кеңістіктерді күтіп ұстау талаптарын түсіндіріп жатыр.
Фото: Polisia.kz
Еске сала кетейік, бұған дейін Жамбыл облысында жыл басынан бері 82 вандализм дерегінің жолы кесілгені хабарланған еді.
Сондай-ақ Шығыс Қазақстан облысында заңсыз қоқыс үйінділеріне тиісті бақылау жүргізбегені үшін ауылдық округтердің 12 әкімі жауапқа тартылды.
Жасұлан Сейілханов 1986 жылы Жамбыл облысы Қордай ауданы Қаракемер ауылында дүниеге келген. Мамандығы – журналист. Еңбек жолын 2005 жылдан бастаған. Аудандық, қалалық, облыстық және республикалық газеттерде тілшілік, жетекшілік, басшылық қызмет еткен. Kazinform ХАА шығарушы редакторы.