Жамбыл облысында қазан айында күн райы қандай болады

АСТАНА. KAZINFORM — Синоптиктердің болжамына сәйкес, өңірде ауа райы тұрақты болады, кей күндері жаңбыр жауып, алғашқы қар түсуі де мүмкін, деп хабарлайды Kazinform тілшісі.

Айлық орташа ауа температурасы +8,4…+12,8°С шамасында болады, бұл климаттық нормадан шамамен бір градус жоғары.

Қазан айының алғашқы күндері түнгі температура 0…+5°С шамасында болады, ал 10-ына қарай +8…+13°С-қа дейін жылынып, күндізгі температура +10…+15°С-тен +20…+25°С-қа дейін көтеріледі. Алайда ай ортасында қайта салқындау күтіледі. Таулы аймақтарда -2°С-қа дейін үсік жүруі мүмкін, күндіз бұл жерде +10°С-тан жоғары болмайды. 4–7 қазан аралығында жаңбыр жауады деп болжанып отыр.

Айдың екінші онкүндігінде температура ай басындағы көрсеткіштерге қайта оралады — түнде 0…+5°С, күндіз +10…+15°С. 17–20 қазан аралығында жаңбыр мен тұман түсуі ықтимал. Онкүндіктің соңына қарай тағы күн жылыну күтіледі.

Айдың соңғы онкүндігінде температураның ауытқуы онша байқалмайды, бірақ жалпы салқындау үрдісі орнығады. Орташа есеппен түнгі температура +8…+13°С, күндіз +20…+25°С болады деп күтіледі. Облыстың оңтүстігіндегі таулы аймақтарда түнде термометр алғаш рет нөлден төмен — -6°С-қа дейін көрсетуі мүмкін, ал күндіз шамамен +8°С болады. 21–31 қазан аралығында жауын-шашын мен тұманның ықтималдығы жоғары, ал таулы жерлерде қар жаууы да мүмкін.

Бұдан бұрын Жамбыл облысында тұңғыш рет Меркі мемлекеттік өңірлік табиғи паркі құрылғаны хабарланды.