Жамбыл облысында көлік қозғалысына шектеу қойылды
21:03, 16 Желтоқсан 2024
ТАЛДЫҚОРҒАН. KAZINFORM - «ҚазАвтоЖол» ауа райының қолайсыздығына байланысты Жамбыл облысында жол қозғалысының шектелгенін хабарлады.
- 2024 жылғы 16 желтоқсан сағат 21:00-де Жамбыл облысында ауа райының бұзылуына байланысты «Алматы-Ташкент-Термез» автожолының 159-238 шақырымы аралығында (Кенен ауылынан Қайнар ауылына дейін) көліктің барлық түрінің қозғалысына шектеу қойылды. Жолды ашу 17 желтоқсан сағат 08:00-ге жоспарланған, - делінген хабарламада.
Еске салайық осыған дейін ауа райының бұзылуына байланысты СҚО-да жол жабылғанын жазғанбыз.