ЕGov және бірқатар электронды қызметтер уақытша істемейді

АСТАНА. KAZINFORM – 20 наурыз күні сағат 23:00-ден 21 наурыз сағат 08:00-ге дейін техникалық жұмыстар жүргізілуіне байланысты, ЕGov және бірқатар электронды қызметтер уақытша істемейді. Бұл туралы «Ұлттық ақпараттық технологиялар» АҚ мәлім етті. 

— Уақыт аралығы пайдаланушылардың ең аз белсенділігі ескеріле отырып таңдалды, бұл мүмкін болатын қолайсыздықтарды барынша азайтуға мүмкіндік береді, — делінген хабарламада.

Осы кезеңде келесі мемлекеттік электрондық сервистердің жұмысы уақытша шектеледі:

• eGov.kz порталы мен eGov mobile мобильді қосымшасы («Цифрлық құжаттар» сервисін қоса алғанда);
• e-Otinish, E-license порталдары және Ашық үкімет жүйелері;
• Қазақстан Республикасының Ұлттық куәландырушы орталығы (ҰКО) сервистері;
• «ҰАТ» АҚ сүйемелдейтін өзге де жобалар;
• Электрондық үкімет шлюзі арқылы интеграцияланған екінші деңгейлі банктердің мобильді қосымшаларындағы және басқа жүйелердегі мемлекеттік қызмет көрсету сервистері.

Осыған байланысты, «ҰАТ» АҚ барлық қажетті операцияларды алдын ала аяқтауды және техникалық жұмыстар кезінде құжаттарды ұсыну қажет болған жағдайда олардың түпнұсқаларын дайындауды ұсынады.

Еске сала кетейік, бұған дейін eGov-тағы «СТОП-несие» арқылы 1,4 млн қазақстандық сырттай қарыз рәсімдеу мүмкіндігін бұғаттағанын жазған едік.