Жамбыл облысы ауылдық округтерінің әкімдері өздеріне сыйақы аударғаны үшін жазаланды

ТАРАЗ. ҚазАқпарат - Жамбыл прокуратурасы   ауылдық округ басшылары заңсыз алған қаражатты мемлекеттік бюджетке қайтарды, деп хабарлады «ҚазАқпарат» ХАА тілшісі облыс прокуратурасының баспасөз қызметіне сілтеме жасап.

 «Бірден үш ауылдың әкімі заңсыз сыйлықақы алғаны үшін жауапкершілікке тартылды, деді қадағалау органының баспасөз қызметінің басшысы Абырой Азматов. - Жуалы ауданының прокуратурасы жергілікті атқарушы органдар қызметін талдады, олар Жуалы ауданының ауылдық округтері   - Күреңбел, Қызыларық, Қошқарата, Жетітөбенің   төрт әкімі өздеріне, қызметкерлеріне заңсыз сыйлықақы аударған».

 «Ескерту» түрінде тәртіптік жазасы бола тұра Қошқарата ауылдық округінің әкімі өзіне 198 мың теңге көлемінде сыйақы аударған.

«Қалған үш әкімдік қызметкерлері сынақ мерзімінде болғанына қарамастан, оларға 400 мың теңге сыйақы аударған. Прокуратураның актісі бойынша заңсыз алынған қаражат мемлекеттік бюджетке қайтарылды», - деп нақтылады облыстық прокуратурада.

Жуалы ауданы прокуратурасының ұсынымы бойынша Күреңбел, Қызыларық,   Жетітөбе  әкімдеріне жеке және (немесе) заңды тұлғаларға заңсыз артықшылық көрсеткені үшін қызметтік міндетіне толық сәйкес келмейтіні туралы шешім қабылданды. Негіз - «Мемлекеттік қызмет туралы» заңның 50-бабы 1-бөлімі, 4-тармағы.