Жамбыл облысында 2,28 миллиард теңге бюджет қаржысы игерілмей қалған

ТАРАЗ. 22 қаңтар. ҚазАқпарат /Галина Скрипник/ - Жамбыл облысында игерілмей қалған бюджет қаражаты 2,28 миллиард теңгені құрап отыр. Бұл туралы облыстық әкімдікте өткен кеңесте мәлім етілді.

Облыстық қаржы басқармасының бастығы Нұржан Қалендаровтың айтуынша, аймақ бюджетінің кіріс бөлігі 100,2 пайызға орындалып, түсім 109,6 миллиард теңгені құраған.

«Проблемалар шығыс баптарды орындауда туындап отыр - жоспар 110,34 миллиард теңгені құраса, іс жүзінде 108,05 миллиард теңге ғана игерілген, яғни жоспар 97,9 пайызға орындалған», - деді Н.Қалендаров.

2,28 миллиард теңге игерілмей қалған, оның 1,8 миллиарды - республикалық бюджеттен қарастырылған мақсатты трансферттер.

Қаржы ведомствосы басшысының айтуынша, бюджетті игеру бойынша кеш қалған өңірлер - Тараз қаласы (96,2 пайызға игерген), Мойынқұм ауданы (98,4 пайызға игерген), Тұрар Рысқұлов атындағы аудан (98,8 пайызға игерген) және Шу ауданы (99,2 пайызға игерген.