Жамбыл облысында ондаған су электр стансалары салынады
15:49, 10 Қазан 2013
АСТАНА. 10 қазан. ҚазАқпарат - Алдағы уақытта облыста ондаған су электр стансалары салынады. Бұл туралы бүгін ҚР Президенті жанындағы Орталық коммуникациялар қызметіндегі баспасөз мәслихатында Жамбыл облысының әкімі Қанат Бозымбаев мәлім етті.
Облыс басшысы атап көрсеткендей, соңғы үш жылдың ішінде аймақта үш гидро электр стансасы салынды. «Жақын арада Меркі ауданында тағы бір су электр стансасының таныстырылымын өткізуді жоспарлап отырмыз. Оның құрлысына шетелдік инвесторлар қатысады. Бұдан басқа, ондаған шағын гидро электр стансаларының жобалары әзірленіп, іске асатын болады», - деп атап көрсетті Қ. Бозымбаев.