ҚР Төтенше жағдайлар министрлігінен мәлім еткендей, сейсенбі күні Қаратау қаласында орналасқан «Ақыртас» ЖШС-ның мұнай сақтау аумағында мұнай өнімдерін теміржол бойында тұрған цистерналардан сақтау шұңқырларына құю кезінде өрт шықты. Алдын ала болжам бойынша өртттің шығу себебі - электр сорғыдағы қысқа тұйықталу.
Жалын мұнай сақтайтын шұңқырдың 350, ал цистерналардың (5) 240 шаршы метрін шарпыды. От ҚР ТЖМ Жамбыл облысы бойынша ТЖД өртке қарсы қызметінің 23 адамы мен 3 техникасының күшімен жеті жарым сағаттан кейін ауыздықталды.
ТЖМ-нан нақтылағандай, құрбандар мен зардап шеккендер жоқ.