Жамбылдық макарондарды Ресей мен Қытайға экспорттау жоспарлануда
Бүгін Байзақ ауданы Қызыл Жұлдыз ауылында «С.П. «Ролла-Ян» ЖШС макарон цехының жаңғыртылған автоматты желісі арқылы «С.П. «Ролла-Ян» ЖШС-ның DL-650X ұзын кеспесін өндіру басталды.
Жобаның құны 285 млн теңгені құрайды, қуаты жылына 9 мың тонна өнім шығаруға қауқарлы.
Жаңа өндірістің іске қосылуына орай, жергілікті тұрғындардың 60-қа жуығы тұрақты жұмыспен қамтамасыз етілді.
Бұл өнім экспортқа бағдарланған. Еліміздің ішінде де, Ресей мен Қытай нарығында да таралады деп жоспарлануда.
«Бүгін индустриализация бағдарламасының аясында «С.П. «Ролла-Ян» ЖШС-ның - «Макарон цехын жаңғырту, кеспе шығару бойынша автоматты желісі» атты жобаны ашып жатырмыз, - деді жобаның ашылуында облыс әкімінің орынбасары Тимур Жанке.
«XINJFANG XINYA MECHAN - ЕLЕСТRО EQUIPMENT СО.LTD» Қытай фирмасының инновациялық желісінің құрылғысы мен монтажы басқа компаниялар арасындағы бәсекеге қабілеттілігін арттырып, Қазақстан Республикасының ДСҰ-ға кіруіне мүмкіндік береді».