Салауатты өмір салтын насихаттау жобасының жетекшісі Светлана Клепиковоның ақпараты бойынша, сауалнамаға қатысқандардың әрбір үшіншісі шылымды қалай тастауды, ал әрбір төртіншісі спирттік ішімдікке әуестіктен қалай арылуды білгісі келеді. Тек әрбір бесіншісі дене жаттығуын жасап, спорттық залдарға барады.
Облыстағы іскер әйелдер қауымдастығының қамқорлығымен өткен жылы салауаты өмір салтын насихаттайтын бірқатар іс-шаралар өткізілді. Олар: «Әкем, анам және мен - салауатты отбасымыз», «Салауатты өмір салтын құптаймыз!» атты бұқаралық акция, «Салауатты өмір салтын қалыптастыру» облыстық конференциясы және т.б. Бұл шараларға мыңнан астам жамбылдықтар қатысты.