ШҚО бас мемлекеттік санитар дәрігері міндетін атқарушының жаңа қаулысы жарияланды. Онда стационарлық сипаттағы қызмет көрсететін емдеу мекемелері мен медициналық-әлеуметтік объектілерде (орталық қызметкерлері 14 күн тұратын стационарлық үлгідегі арнайы әлеуметтік қызмет көрсету орталықтарында, оның ішінде балалар орталықтарында) және мүгедектерге арналған оңалту орталықтарында карантин енгізіліп, санитарлық-дезинфекциялық режимнің күшейтілгені жазылған.
«Сонымен қатар балаларға арналған арнайы және мамандандырылған ұйымдарда, ерекше білім беруді қажет ететін балаларға арналған арнайы мектеп-интернаттарда, жалпы үлгідегі және дарынды балаларға арналған мектеп-интернаттарда, сәбилер мен балалар үйлерінде, жартылай стационарлық үлгідегі арнайы әлеуметтік қызмет көрсететін балалар орталықтарында, тұрғылықты жері жоқ адамдарды қайта әлеуметтендіру және бейімдеу орталықтарында санитариялық-дезинфекциялық режим күшейтілді. Берілгеніне 3 күн аспаған, теріс нәтижесі бар ПТР сынаманы ұсынған азаматтарға асырап алу, қорғаншылықты немесе қамқоршылықты белгілеу мақсатында жетім балалармен кездесу үшін сәбилер және балалар үйлеріне баруына рұқсат етіледі» делінген құжатта.