деп хабарлайды ҚазАқпарат.
Тамыздың 1-де басталған акцияның мақсаты - жаңа оқу жылында аз қамтылған және көп балалы отбасы оқушыларына қолдау көрсету.
Қазірдің өзінде мектепке дейінгі және мектеп жасындағы балаларды есепке алып, көмекке мұқтаж балалардың, сабаққа мүлдем қатыспайтын балғындардың мекен-жайлары арнайы тізімге топтастырылуда. Бұл мәліметтер білім органдарына, демеушілер мен меценаттарға тапсырылады.
Аталған шара шеңберінде республика аймақтарында жергілікті әкімдіктер жеңілдетілген бағамен мектеп киім үлгілерін, аяқ киімдер, оқу құрал-жабдықтары және оқулықтар сату мақсатында «Мектеп жәрмеңкесі» өткізілуде. Қазірге таңда осындай 595 жәрмеңке ұйымдастырылса, осы айдың аяғына дейін олардың саны одан да арта түспек.