Жаңа Орлеандағы теракт пен Cybertruck жарылысы арасындағы байланыс зерттеліп жатыр

АСТАНА. KAZINFORM - АҚШ президенті Джо Байден Жаңа Орлеандағы теракт пен Лас-Вегастағы жарылыстың байланысы тексеріліп жатқанын айтты, деп хабарлайды ТАСС. 

Джо Байден Кэмп-Дэвидтегі (Мэриленд штаты) резиденциясында лаңкестік әрекетке байланысты теледидар арқылы үндеуінде Лас-Вегастағы Трамп қонақүйінде Cybertruck жүк көлігінің жарылуының себебін зерттеп жатқанын айтты. 

- Құқық қорғау органдары мен барлау органдары да бұл мәселені, соның ішінде Жаңа Орлеандағы шабуылға қандай да бір байланысы бар-жоғын тексеріп жатыр, - деді Байден.

Сонымен бірге ол қазір америкалық билік Жаңа Орлеандағы лаңкестік әрекет пен Лас-Вегастағы оқиға арасында ешқандай байланыс көрмей отырғанын айтты. 

- Бұл туралы әлі хабарлайтын ештеңе жоқ, - деді Вашингтон әкімшілігінің басшысы.

Сәрсенбі күні Лас-Вегастағы 64 қабатты Trump International қонақүйінің жанында Cybertruck электрлі пикап жарылған. Оқиға салдарынан кем дегенде бір адам қаза тапты, тағы жетеуі жарақат алды. Марқұмның жеке басы әлі анықталған жоқ. 

АҚШ-тың Жаңа Орлеан қаласының орталығындағы Бурбон көшесінде қайғылы жағдай болды. Жан түршігерлік оқиғадан 15 адам қаза тауып, 35 адам жарақат алды. Соңғы дерек бойынша, аталмыш оқиғадан 15 адам қаза тауып, 35 адам жараланған. Адамдарды қағып кеткен жүргізуші атыс кезінде көз жұмды.