Жобаны жедел әрі сапалы дайындау үшін Сингапур, Ұлыбритания және Голландия компаниялары тартылып, жұмыс басталып кетті.
Жарлықта айтылғандай, 2023 жылдың 1 қыркүйегіне дейін «Жаңа Ташкент қаласын құру бойынша дирекция» жасақталады.
Дирекция алдыңғы қатарлы шетелдік және отандық жобалық ұйымдарды қатыстыра отырып, Жаңа Ташкент аумағын дамыту бойынша мастер-жоспар, салалық жоспарлар және мақсатты бағдарламаларды дайындайды.
Жаңа Ташкентті құру жобасын жүзеге асыру барысында 2027 жылдың 1 қаңтарына дейін дирекция, инвесторлар, бас жоба мен бас мердігер ұйымдар Өзбекстан Республикасында шығарылмайтын құрылыс техникасы, құралдар, жасақтаушы және қосымша бөліктерді шетелден әкелуде кеден салығын төлеуден босатылады.