«Жаңа туған нәрестелер саны жағынан бірінші орында Алматы қаласы тұр. Мұнда жылдың ең соңғы күні 106 бала дүние есігін ашты. Одан кейінгі орындарда тұрған Алматы облысында - 66, Жамбыл облысында - 57, Астана қаласында - 51, Атырау облысында - 46, Қарағанды облысында 44 бала дүниеге келді», - деп жазды ҚР Денсаулық сақтау министрінің баспасөз хатшысы Гауһар Бисарина Фейсбук парақшасында.
Айта кету керек, Қазақстанда 2017 жылдың 31 желтоқсанында 768 сәби дүниеге келген. Бұған дейін мереке күні елордада 20-дан астам сәби дүниеге келсе, ал Талдықорғанда 41 бала өмір есігін ашқанын хабарлаған болатынбыз.
Одан бөлек, 1 қаңтар күні Шымкент қаласында 60 нәресте дүние есігін ашты.