ОРАЛ. 14 маусым. ҚазАқпарат - 14 маусым күні БҚО төтенше жағдайлар департаментіне Жаңақала ауданы Пятимар ауылдық округінде шабындық жер өртенгені жөнінде хабар түсті.
Департаменттің баспасөз қызметінен түскен мәліметке қарағанда, Зейнепқұдық мекенінде - 190 га, Қаражігітте - 195 га, 1 Масқарда - 180 га, 2 Масқарда 185 га, барлығы 750 гектар жер отқа оранған.
Тілсіз жауды ауыздықтауға №14 өрт сөндіру бөлімінің өрт сөндірушілері автокөліктерімен, сондай-ақ Пятимар ауылдық округінен ерікті жасақ пен техникалар қатыстырылды.
Қазіргі кезде өрттен келген шығын анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).