ҚЫЗЫЛОРДА. ҚазАқпарат - Қызылорда облысы Жаңақорған ауданының тұрғындарына техникалық себептерге байланысты 101, 112 байланыс телефондары уақытша қолжетімсіз болып тұр, деп хабарлайды ҚазАқпарат тілшісі.
«Бұл телефондар уақытша жұмыс жасамай тұрғандығын ескертеміз. Сол себепті, тұрғындар төтенше жағдай болған жағдайда тиісті ұялы телефондарға хабарласуларына болады», - деп мәлім етті Қызылорда облыстық төтенше жағдайлар департаментінен.
Жаңақорған ауданы Қызылорда облысының оңтүстігінде орналасқан. Тұрғындар саны жөнінен өңірде бірінші орында тұр. Онда 86 мыңнан астам адам тұрады.
Еске салсақ, бұдан бұрын Қызылордада төрт үйде өрт болып, 8 сиыр өртеніп кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.