ЖАҢАҚОРҒАН. ҚазАқпарат - Қызылорда облысы Жаңақорған ауданының орталығында жеңіл көлік иесі жаяу жүргіншіні қағып кетті. Жаяу жүргінші медициналық мекемеде көз жұмды, деп хабарлайды ҚазАқпарат тілшісі.
Көлік жүргізушісі - көршілесТүркістан облысының тұрғыны. Ол өзі рульде болған «Opel Vektra» көлігімен жаяу жүргіншілер жолағы жоқ жерден өтпекші болған адамды қағып кетті.
«Алған жарақат салдарынан жаяу жүргінші медициналық мекемеде қайтыс болды. Автокөлік жүргізушісі оқиға орнында анықталды. Аталған дерек бойынша ҚР Қылмыстық кодексінің 345-бабының 3-бөлігімен сотқа дейінгі тергеп-тексеру амалдары жүргізілуде. Онда көлiк құралдарын басқаратын адамның жол жүрісі қағидаларын бұзып, абайсызда адамның өліміне әкеп соғу жағдайы көрсетілген. Тиісті сот сараптамалары тағайындалды», - деп мәлім етті Қызылорда облыстық полиция департаментінің баспасөз қызметі.
Сондай-ақ, бұған дейін Қызылордада жеңіл көлік жүргіншілер жолағында адам қағып кеткен еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.