ҚЫЗЫЛОРДА. ҚазАқпарат - Қызылорда облысы Жаңақорған ауданында жыл басынан бері коронавирус жұқтырған 256 адам тіркелді. Бұл - аудандар арасында ең жоғары көрсеткіш, деп хабарлайды ҚазАқпарат тілшісі.
Өңірде өткен жылдан бері 5 794 адам қатерлі вирусты жұқтырды. Салдарынан облыс қазір «қызыл» аймақта тұр. Оның ішінде Қызылорда қаласында -3442 адам тіркелсе, аудан бойынша ол Аралда - 206, Қазалыда - 274, Қармақшыда - 262, Жалағашта - 201, Сырдарияда - 354, Шиеліде - 441, Жаңақорғанда - 614 адамды құрайды.
«Жыл басынан бері 2 402 адам аталған дертке шалдықты. Олардың 1374-і облыс орталығы тұрғындары болса, ол Аралда – 92, Қазалыда – 171, Қармақшыда – 103, Жалағашта – 88, Сырдарияда – 174, Шиеліде – 147, Жаңақорғанда – 256 адамға жетті. Өткен жылдан бері қатерлі індет салдарынан 16 адам көз жұмды», - деп мәлім етті Қызылорда облыстық денсаулық сақтау басқармасынан.
Еске салсақ, Қызылорда облысында вакцинация пунктері аптасына 7 күн жұмыс істейді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.