ҚЫЗЫЛОРДА. ҚазАқпарат - Қызылорда облысы Жаңақорған аудандық ауруханасының инфекциялық бөлімінен соңғы науқас емделіп шықты, деп хабарлайды ҚазАқпарат тілшісі.
Жергілікті дәрігерлер үйіне оралған науқастың жағдайы жақсы екенін айтады.
Сондай-ақ, ауданға қарасты Төменарық ауылы ауруханасындағы провизорлық стационар да жабылды. Ал №1 провизорлық стационардан кеше тағы 5 науқас сауығып, үйлеріне қайтарылды, 4 науқас провизорлық бақылауда.
«Емделіп шыққан науқастар дәрігерлерге алғысын білдірді. Бүгінгі күні облыс көлемінде коронавирустің тарау қарқыны тұрақталып келеді. Осыған орай аурухана ішінен ашылған провизорлық стационалар жұмысын тоқтата бастады», - деп мәлім етті Қызылорда облысының әкімдігі.
Сондай-ақ, Қызылорда облысында пневмонияның ауыр түріне шалдыққан науқастар саны азайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.