Шетелдік ақпарат көздеріне сүйенсек, «Қазақ стилінің» қаламақысы – 400 мың доллар, ал ақылы тарнсляциялардың сатылым көрсеткіші 500 мыңнан асса, Жәнібек 1,5 миллион доллар табыс табады.
Айта кетейік, жекпе-жек ұйымдастырушылары да, жергілікті спорт комиссиясы да боксшылардың нақты табысын әзірге ресми түрде жариялаған жоқ.
Бұған дейін белгілі журналист Дэн Рафаэль Гуальтьеридің Әлімханұлымен жекпе-жектен алатын табысы 750 мың доллар екенін айтқан болатын. Басқа дереккөздерге сүйенсек, оның табысы бір миллион АҚШ долларына жетуі мүмкін.
Естеріңізге сала кетейік, Жәнібек Әлімханұлы WBO және IBF санаты бойынша орта салмақта екі белбеуді сарапқа салған жекпе-жекті неміс боксшысы Винченцо Гуальтьеримен (21-0-1, 7 КО) өткізіп, жеңіске жеткен болатын.