НҰР-СҰЛТАН. ҚазАқпарат – Рукада (Финляндия) фристайл-акробатикадан өтіп жатқан әлем кубогы кезеңінде қазақстандық Жанбота Алдабергенова күміс жүлдегер атанды, деп хабарлайды ҚазАқпарат тілшісі.
Іріктеу кезеңінде 85,99 балл жинаған Жанбота финалға төртінші орынмен жолдама алды.
Финалда Ж.Алдабергенова сәтті өнер көрсете білді.
Әлем кубогы кезеңінде қытайлық Кун Фаньюй оқ бойы озып шығып, жеңімпаз атанды.
Жанбота 80.04 балмен екінші орынға көтерілді.
Тағы бір қытайлық Шао Кью да дәл осындай ұпай жинап, үздіктер қатарынан көрінді.
Сондай-ақ әлем кубогы кезеңінде қазақстандықтар Ақмаржан Қалмұрзаева 13-ші, Аяна Жолдас 23-ші, Маржан Ақжігіт 39-сатыдан көрінді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).