Жандос Әбубәкіров Дүниежүзілік көшпенділер ойындарында қола жүлде еншіледі
АСТАНА. KAZINFORM — VI Дүниежүзілік көшпенділер ойындарында Алыш — белбеу күресінен еркін стиль бойынша 60 келіге дейінгі салмақта сынға түскен Әбубәкіров Жандос жүлделі III орынға табан тіреп, қола медаль иеленді.
Фото: Спорт комитеті
ҚР Спорт комитеті баспасөз қызметінің хабарлауынша, спортшымыз жарыс барысында шеберлігі мен қайсарлығын танытып, ел намысын абыроймен қорғады.
Фото: Спорт комитеті
— Жандосты жүлдесімен құттықтаймыз! Қазақстан қоржынына тағы бір қола медаль қосылды! — делінген комитет таратқан ақпаратта.
Фото: Спорт комитеті
Осыған дейін Алыш күресінен аса жеңіл салмақта сынға түскен Тұрмаханбет Қалмұхан қола жүлдегер атанғанын жазған едік.