ОРАЛ. Қыркүйектің 11-і. ҚазАқпарат /Ғайсағали Ералы/ - Елбасы Нұрсұлтан Назарбаевтың тапсырмасына сәйкес озат студенттерді қолдау ісі одан әрі жалғасуда,
деп хабарлайды ҚазАқпарат тілшісі.
ҚР Білім және ғылым министрінің тамыздың 24-індегі №395 бұйрығына сәйкес Жәңгір хан атындағы Батыс Қазақстан аграрлық-техникалық университетінің үздік оқитын 33 студентіне қосымша білім гранттары табыс етілді. Оған қоса осы кезге дейін ақылы негізде оқып келген тағы 59 студент жазғы сессияның қорытындысымен босаған орындарға ауыстырылды.
Бұдан бұрын биылғы көктемде министрдің бұйрығымен университеттің жоғары курстарында үздік оқитын 138 студент тегін оқуға көшірілген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).