08:08, 29 Желтоқсан 2021

Жәнібек Әлімханұлы бокс жанкүйерлері жеңімпазды таңдайтын номинацияға ұсынылды

НҰР-СҰЛТАН. ҚазАқпарат - Top Rank промоутерлік компаниясы қазақстандық боксшы Жәнібек Әлімханұлының (11-0, 7 КО) 2021 жылғы жетістігін атап өтті, деп хабарлайды ҚазАқпарат Sports.kz сайтына сілтеме жасап.

Әлімханұлы бокс жанкүйерлеріне «Жыл серпіні» номинациясының жеңімпазын таңдау ұсынылатын Top Rank постеріне шықты.

Биыл Жәнібек Әлімханұлы екі жекпе-жек өткізді. Орта салмақтағы бұрынғы әлем чемпиондары америкалық боксшы Роб Брантпен (26-3, 18 КО) және француз Хассан Ндам Нжикаммен (38-6, 21 КО) жұдырықтасты.

Екеуін де Әлімханұлы сегізінші раундта техникалық нокаутпен жеңді.

Бұл жеңістер қазақстандыққа WBO тұжырымы бойынша орта салмақтағы әлем чемпионы америкалық боксшы Деметриус Андрадемен (31-0, 19 КО) кездесуіне мүмкіндік берді.

Бокс Спорт

Еркежан Смағұлова

2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.