Бұл туралы BBC хабарлады.
Қайғылы оқиға Ауғанстан шекарасы маңында орналасқан Мохманд ауданында орын алды. Жанкештінің шабуылы салдарынан кем дегенде 16 адам қаза тауып, 20-дан астамы жарақаттанды.
«Мешітте адам лық толы болды. Ол «Аллаху әкбар» деп айқайлап, кейін қуатты жарылыс орын алды», - деп хабарлады Рейтер агенттігіне аудан әкімшілігі басшысының орынбасары.
Оқиға орнында іздестіру-құтқару жұмыстары жүргізілуде.