АЛМАТЫ. ҚазАқпарат - Алматыда өткен бокс кешіндегі титулдық жекпе-жекте жеңіске жеткен қазақстандық спортшы Жанқош Тұраров кездесуі жайында пікірін білдірді, деп хабарлайды ҚазАқпарат тілшісі.
Қазақстандық Жанқош Тұраров (26-0, 19 КО) титулдық жекпе-жекте мексикалық Алехандро Менесесті тізе бүктірді.
«Маған қолдау білдірген барлығыңызға алғыс айтамын. Сіздердің қолдауларыңыз мені жеңіске жетеледі. Соның арқасында чемпиондық атаққа қол жеткіздім. Барлығығызға үлкен алғыс. Чемпион атану - әрбір спортшының арманы. Екі жыл бұрын жекпе жекте қолымнан жарақат алдым. Үшінші раундта тағы бір жарақат болды. Болашақта бұдан да жақсы ойын көрсететініме сенемін. Сіздердің сенімдеріңізді ақтаймын», - деді ол жекпе-жектен кейін.
Айта кетсек, қазақстандық боксшының қарсыласы тоғызыншы раундтан кейін жарысты жалғастырудан бас тартты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.