ТАШКЕНТ. ҚазАқпарат – Өзбекстан астанасы Ташкент қаласында өтіп жатқан әлем чемпионатының алтыншы жарыс күнінде жеңіске жеткен Дулат Бекбауов (67 келі) жекпе-жегі жөнінде пікір білдірді, деп хабарлайды ҚазАқпарат тілшісі.
6 мамырда 1/16 финалда Дулат Бекбауов (67 келі) румыниялық Андрей Мустетті жеңіп, жарыстың алдағы сатысына шықты.
«Әлем чемпионатындағы алғашқы кездесуімде жеңіске жеткеніме қуаныштымын. Босаңсуға болмайды. Алдағы жекпе-жекке дайындықты бастаймын. Барша жанкүйерлер қолдауын күтемін», - деді ол.
Сондай-ақ бүгін ұлттық құрама капитаны Асланбек Шымбергенов (71 келі) 1/16 финалда Тринидад және Тобаго елінен келген Аарон Принспен қолғап түйістіреді.
Айта кетсек, әлем чемпионатында ел құрамасынан Талғат Сырымбетов (60 келі), Санатәли Төлтаев (63,5 келі) және Айбек Оралбай (92 келі) жарыс жолынан шығып қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.