Қала әкімшілігі хабарлағандай, «Мен - жалғыз басты адаммын. Мына ақшаны Тохоку тұрғындарына берулеріңізді өтінемін» деген жасырын хат пен ішіне ақша салынған қапшық өткен бейсенбіде табылған, деп хабарлайды Вigmir.net.
Ақшаның жартысы банк қағазымен оралған, соған қарағанда олар жақында ғана есеп-шоттан алынғанға ұқсайды. Қапшықтың ішінен сондай-ақ табиғи апаттан зардап шеккендерге қайырымдылық көрсетуге шақыратын үндеу хат та табылды.
Сакадоның әкімшілігі сәл күте тұруды ұйғарды. Егер жомарт азамат табылмай, ақшасын кері қайтаруды талап етпейтін болса ғана олар жапониялық Қызыл крестке аударылатын болады.