Жапонияда тікұшақ апатқа ұшырады

СИДЗУОКА. KYODO NEWS- ҚазАқпарат – Сәрсенбі күні орталық Жапонияның Сидзуока префектурасындағы орманға тікұшақ құлаған, деп хабарлайды ҚазАқпарат KYODO агенттігіне сілтеме жасап.

Полицияға Симада қаласының орман аймағында сағат 15:35 шамасында әуе апатының болғандығы туралы хабарлама келіп түскен.

Тікұшақ сынықтары табылған. 46 жастағы ұшқыш Котаро Демура ауруханаға жеткізілді, бірақ көп ұзамай полиция оның көз жұмғанын хабарлады.

Оқыс оқиға кезінде қатты жел соғып, жергілікті метеорологиялық обсерватория дауыл туралы ескерту жасаған.

Жапонияның Көліктегі қауіпсіздік жөніндегі кеңесінің мәліметінше, тікұшақ 15:00-де Мие префектурасындағы Цуда тікұшақ аумағынан көтеріліп, Токио маңындағы Иокогамаға бет алған.