ОРАЛ. ҚазАқпарат - «Нұр Отан» партиясы «Жас Отан» ЖҚ БҚО филиалының VI конференциясы болып, онда бірнеше мәселе талқыланды.
Конференция жұмысын «Жас Отан» ЖҚ БҚО филиланың атқарушы хатшысы Дархан Қадыралиев жүргізді. Облыстық филиалдың 2014 жылы атқарған жұмысы туралы есеп беріліп, филиал жанындағы кеңес құрамы бекітілді. «Жас Отан» ЖҚ-ның 2020 жылға дейінгі бағдарламасының жобасы талқыланып, алда тұрған міндеттердің аса маңызды екені атап көрсетілді.
Астана қаласында өтетін «Жас Отан» ЖҚ ІІІ съезіне Батыс Қазақстан облысынан 45 делегат сайланды.
Ұйымдық мәселе де қаралып, «Жас Отан» ЖҚ БҚО филиалының атқарушы хатшысы болған Д.Қадыралиевтің басқа жұмысқа ауысуына байланысты оның орнына Нұрғали Жолдасқалиев сайланды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).