Жас теннисші Заңғар Нұрланұлы Хорватиядағы турнирдің финалисі атанды
23:02, 17 Наурыз 2024
АСТАНА. KAZINFORM — Хорватияның Врсар қаласында ITF Juniors J300 сериясы бойынша жасөспірімдер арасында дәстүрлі халықаралық турнир мәресіне жетті.
Қазақстандық Заңғар Нұрланұлы чехиялық Мартин Дошкошилмен бірге жұптық сында табысты өнер көрсетті.
Қазақстандық-чехиялық дуэт финалға дейін жетіп, тек соңғы бәсекеде ғана хорватиялық Максимович – сербиялық Маркоринаға жол берді – 2:6, 3:6.
Сөйтіп З.Нұрланұлы аталмыш жарыстың финалисі атанды.
Еске сала кетейік, бұдан бұрын Дмитрий Попконың ITF турнирлерінде биылғы бесінші титулына қол жеткізгенін жазған болатынбыз.