Жасөспірімдер Азиадасы: Аслан Ерғалиев күміс, Інжу Сахабадин қола медаль жеңіп алды
АСТАНА. KAZINFORM – Манама қаласында (Бахрейн) өтіп жатқан 2025 жылғы жасөспірімдер арасындағы Азия ойындарында қазақстандық дзюдошылар Аслан Ерғалиев пен Інжу Сахабадин жүлделі орыннан көрінді.
Фото: ҰОК
Қазақстан құрамасының өкілі Аслан Ерғалиев 55 келіге дейінгі салмақта финалға шығып, күміс медальға ие болды. Ақтық сында ол өзбекстандық балуан Абубакр Сатторовқа жол берді.
Ал қазақстандық дзюдошы Інжу Сахабадин 44 келіге дейінгі салмақта қола медаль жеңіп алды. Үшінші орын үшін өткен белдесуде Інжу моңғолиялық Цельмуун Ганчимэгті айқын басымдықпен ұтты.
Фото: ҰОК
Айта кетейік, Абдулла Батырбек Азия ойындарында джиу-джитсудан қарсылас шақ келтірмеді.
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.