ОРАЛ. 11 қаңтар. ҚазАқпарат - Биылғы 9 қаңтарда облыс аумағында қар қалың түсті.
Осыған байланысты батысқазақстандық «жасотандықтар» жедел көмек жасағын құрып, «Жақыныңа жәрдемдес» шарасы аясында жалғызбасты қарт адамдарға, аз қамтылған отбасыларға көмекке келді.
«Нұр Отан» ХДП БҚО филиалы «Жас Отан» жастар қанатының атқарушы хатшысы Дархан Қадыралиевтің айтуынша, белсенді жастар мұқтаж жандардың үйлеріне барып, ауласын қардан тазалап, есіктерінің алдын сыпырып, қатып қалған мұздарды ойды. Үй иелері көмек қолын созған «жасотандықтарға» ризашылығын білдірді.
Аталған шара мақсаты - жастардың бойында аға буынға деген құрметті қалыптастыру, оларды отансүйгіштікке тәрбиелеу. Шара аясында құрылған «Еңбек десанты» жасағы жыл бойы жұмыс жасайтын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).