Бүгін Қазақстанның Универсиададағы қоржыны 4 күміс медальмен толықты. Атап айтқанда, «қоланы» шағын калибрлі винтовкадан атудың шеберлері Константин Малиновский, Ислам Сәтпаев пен Шахторин Никита; тез атылатын пистолеттен ату дисциплинасында Чирюкин Никита алды.
«Бұл спортшылардың ғана емес, олардың бапкерлерінің де ерең еңбегі. Жарайсыңдар!
Осы жігіттердің жетістіктері арта берсін! Спортшыларымыздың әрбір жеңісі елді қанаттандырады», - деп жазды министр.
Еске салайық, кеше дзюдошы Сұңғат Жұбатқан қола медаль жеңіп алып, ел қоржынына алғашқы медаль салған болатын.
29 шілде күнгі жарыстарды Қазақстан медальдар кестесінде 14-орынмен аяқтады.
Айта кетейік, Жазғы универсиадаға 93 қазақстандық спорттың 11 түрінен (садақ ату; оқ ату; жеңіл атлетика; спорттық гимнастика; дзюдо; көркем гимнастика; үстел теннисі; таеквондо; у-шу; жүзу; семсерлесу) қатысып жатыр. Ел құрамасы еліміздің 26 жоғары оқу орнының студенттерінен жасақталған.