Жібек Құламбаева Сербиядағы жарыстың жеңімпазы атанды
17:23, 07 Шілде 2024
АСТАНА. KAZINFORM - Қазақстандық теннисші, әлемнің 472-ракеткасы Жібек Құламбаева Куршумлия-Баня (Сербия) ITF W15 турнирінде топ жарды.
Жарыстың 1-ракеткасы болып тіркелген қазақстандық теннисші барлығы 5 матч өткізіп, бәрін де жеңіспен аяқтады.
Жібек финалда дүниежүзілік рейтингіде 700-орында тұрған швециялық Лиза Заармен кездесіп, камбэк жасай білді - 2:6, 6:4, 6:2.
Осы табысының арқасында Жібек Құламбаева WTA Live рейтингісінде 441-орынға көтерілді.
Еске сала кетейік, бұдан бұрын Дмитрий Попконың Румынияда жарыстың 2-ракеткасын жеңіп, финалға шыққанын жазған болатынбыз.