Жібек Құламбаева Италиядағы турнирдің финалына шықты

АСТАНА. KAZINFORM – Қазақстандық Жібек Құламбаева жұптық сында Брешия (Италия) ITF W75 турнирінің финалына шықты.

Қазақстандық теннисші ресейлік Екатерина Рейнгольдпен бірге үш кездесуін сәтті өткізді.

Соның ішінде қазақстандық-ресейлік жұп жартылай финалда италиялық Николь Фосса – үндістандық Васенти Шиндені 6:2, 7:5 есебімен тізе бүктірді.

Жібек Құламбаева – Екатерина Рейнгольд финалда испаниялық Ивон Реймерс – италиялық Аврора Зантедешимен чемпиондық атақты сарапқа салады.

Еске сала кетейік, бұдан бұрын Александр Недовесовтің Ролан Гаррос турнирінің екінші айналымына шыққанын жазған едік.

Сондай-ақ қазақстандық теннисшілер Франция чемпионатында сербиялық жұпты ұтты.