АСТАНА. KAZINFORM — Қазақстандық теннисші Жібек Құламбаева жұптық сында Мадрид (Испания) ITF W100 турнирінде үздік шықты.
Жарыстың 3-ракеткалары Ж.Құламбаева мен италиялық Николь Фосса-Уэрго финалда испаниялықтар Марина Бассольс — Андреа Лазаро Гарсиямен өте тартысты кездесу өткізді.
Бірінші партияда тай-брейкте қазақстандық-италиялық жұп жанкештілік танытты – 7:6 (9:7).
Екіншісінде испаниялық дуэт тай-брейкте есе қайырды – 7:6 (7:4).
Супер тай-брейкте Ж.Құламбаева – Н.Фосса-Уэрго таразы басын өздеріне аудара білді – 10:4.
Финалдық бәсеке 2 сағат 18 минутқа созылды.
Еске сала кетейік, бұдан бұрын Мадридтегі турнирдің финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).