АСТАНА. KAZINFORM - Әзербайжан астанасы Баку қаласында өтіп жатқан «Жібек жолы» халықаралық турнирінде Қазақстан әйелдер құрамасы қанша медаль алғаны белгілі болды.
Ел құрамасы аталған турнирде 2 алтын, 1 күміс, 6 қола медаль алды.
Қазақстандық боксшылар арасынан Элина Базарова (54 келі) әзербайжандық Дарья Пантелеева, Виктория Байдукова (57 келі) ресейлік Дария Абрамованы тізе бүктіріп, жеңіс тұғырына көтерілді.
Ал Анжа Сәдуақасова (52 келі) әзербайжандық Зейнаб Рахимоваға есе жіберіп, күміс жүлдені қанағат тұтты.
Сондай-ақ ел құрамасынан Гүлназ Бөрібаева (48 келі), Элянур Турганова (50 келі), Томирис Мырзақұл (52 келі), Сымбат Әлиасқар (54 келі), Азиза Исина (70 келі) және Дина Исламбекова (81 келіден жоғары) қола жүлдегер атанды.
Еске салсақ, қазақстандық алты боксшы финалға шықты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.