Желтоқсанда Астанада ауа райы қандай болады

Еліміздің Ұлттық гидрометеорологиялық қызметі желтоқсан айында елордада ауа райы қандай болатындығына қатысты болжамымен бөлісті, деп хабарлайды Kazinform.

Синоптиктердің болжамына сәйкес, желтоқсандағы орташа айлық ауа температурасы минус 10,2 градус болады деп күтіледі. Бұл нормадан 1-2 градусқа жоғары.

Айдың алғашқы 10 күнінде ауа температурасы біртіндеп көтеріледі: түнде -5, -10 градустан -22, -27 градусқа дейін, күндіз 0, -5 градустан -12, -15 градусқа дейін;

Екінші онкүндікте ауа температурасының ауытқитындығы болжанады: түнде -5, -10 градустан -8, -13 граудсқа дейін, күндіз 0, -5 градустан -5, -10 градусқа дейін;

Үшінші онкүндіктің басында ауа температурасының төмендеуі күтіледі: түнде -17, -22, ал күндіз -13, -18 градусқа дейін. Одан кейін ауа температурасы түнде -5, -10, ал күндіз 0, -5 градусқа дейін болуы ықтимал.

Желтоқсан айының соңына қарай ауа температурасы түнде -15, -20, күндіз -7, -12 градусқа жетеді.

Желтоқсан бойы қар жауып, боран тұрады, көктайғақ болады, жел екпіні секундына 15-20 метрге жетуі ықтимал.