Қызмет бабын теріс пайдаланғаны үшін сотталған БҚО әкімінің бұрынғы бірінші орынбасарына қатысты апелляциялық шағым қараусыз қалдырылды, деп хабарлайды ҚазАқпарат тілшісі.
БҚО сотының баспасөз қызметінен түскен мәліметке қарағанда, Ержан Балтаев пен оның адвокаты апелляциялық шағымды кері қайтарып, оның қараусыз қалдыруын өтінген.
Соған байланысты апелляциялық шағым қараусыз қалдырылып, өндіріс қысқартылды.
Сот үкімі заңды күшіне енді.
Еске сала кетейік, бұдан бұрын жемқорлығы үшін сотталған БҚО әкімінің бұрынғы орынбасары апелляциялық шағым түсіргенін жазған болатынбыз.
Қызмет бабын асыра пайдаланғаны үшін Е.Балтаев сот үкімімен айыпты деп танылып, оған 8,6 млн теңге көлемінде айыппұл салынған болатын.
Оған қоса бұрынғы орынбасар мемлекеттік қызмет атқару құқығынан өмір бойына айырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).