«Жергілікті атқару органдарындағы сыбайлас жемқорлық алаңдатады. Соңғы төрт жылда әкімдік қызметкерлері жасаған қылмыстар жалпы сыбайлас жемқорлық қылмыстарының жартысына жуығын құрап отыр», - деді кеңес мүшесі.
Сарапшылардың 4 жыл бұрынғы «сыбайлас жемқорлықпен күрес бойынша қабылданған шаралар тиісті нәтиже бермей отыр» деген пікірі бүгін де өзекті екеніне тоқталған ол, «2012-2014 жылдары сыбайлас жемқорлық қылмыстарын тіркеудің орташа жылдық деңгейі 2218-ге тең, бұл өз кезегінде 2011 жылғы көрсеткіштен 200 қылмысқа артық. Яғни, 2011 жылмен салыстырғанда өсім 10 пайызды құрады», - деді.
Оның сөзіне қарағанда, кеден органдарында тіркелген жемқорлық қылмыстары екі есеге жуық артты (2011 жылы - 23, 2013 жылы - 44). Бес жыл бұрынғыдай сыбайлас жемқорлықтың ең жоғары үлесі мемлекеттік сатып алулар, жер қатынастары және білім беру саласына тиесілі.