АСТАНА. ҚазАқпарат – Астанада жеңіл атлетикадан жабық кешендегі Азия чемпионатында Қазақстан қоржынына тағы бір алтын медаль түсті, деп хабарлайды ҚазАқпарат тілшісі.
«Спортты дамыту дирекциясы» РМҚК-дан мәлім еткеніндей, Қазақстан ерлер құрамасы эстафеталық жарыста үздік шықты. Андрей Соколов, Эльнор Мухитдинов, Вячеслав Земс пен Михаил Литвин 3:09.15 секунд нәтижесімен ел рекордын тіркеді.
Күміс жүлде Қатар командасына (3:09.26), қола Тәжікстан құрамасына бұйырды.
Қазіргі кезде ұлттық құрама қоржынында 4 алтын, 3 күміс пен 2 қола бар.
Еске сала кетейік, бұдан бұрын жеңіл атлетикадан Азия чемпионатында Қазақстан қоржынына тағы үш медаль түскенін жазған болатынбыз.
Фото Спортты дамыту дирекциясының инстаграм парақшасынан алынды
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).