АСТАНА. ҚазАқпарат - Жеңіліп көрмеген қазақстандық кәсіпқой боксшы Мадияр Әшкеевтің (8-0, 4 КО) кезекті айқасы қашан өтетіні белгілі болды, деп хабарлайды ҚазАқпарат.
Отандасымыз 9-шы айқасын келесі жылы 3 наурызда Нью-Йорк қаласындағы Madison Square Garden аренасында өткізбек. Бұл туралы боксшы Инстаграм желісінде «Көптен күткен жаңалық та келді. Келесі жекпе-жегім қашан өтеніні белгілі болды. 3 наурыз. Нью-Йорк. Мэдисон Сквер Гарденде. Қазір сол жекпе-жекке дайындық қызу өтіп жатыр», - жазды.
Бұл күні басты жекпе-жек ресейлік Сергей Ковалев пен отандасы Игорь Михалкин арасында өтеді. Ал әзірге Әшкеевтің кіммен жұдырықтасатыны белгісіз.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.